Ibinulgar ni Senador Win Gatchalian na nakatakas na ang ilang kasabwat ni dating Banbam Mayor Alice Guo sa pagtatayo ng illegal hubs ng Philippine Offshore Gaming Organization (POGO) sa Porac, Pampanga.
Sa pahayag, partikular na tinutukoy ni Gatchalian si Duanren Wu, na kasangkot sa pagtatayo ng Lucky South 99 sa Porac, Pampanga, na naka-alis na ng Pilipinas.
“Apparently, Mr. Duanren Wu left the country last June 11 of this year. Mr. Duanren at the same time with Cassandra Li Ong. We don’t have any records of that person coming back to the Philippines,” ayon kay Gatchalian sa ginanap na Senate hearing.
Komento ito ni Gatchalian matapos ihain ni Senador Joel Villanueva na magpalabas ng subpoena laban kay Wu dahil patuloy at patuloy itong binabanggit sa anumang pagdinig.
Si Wu ang incorporator ng Whirlwind Corp, na umuupa sa ilang ektarya ng lupain na kung nakatayo Lucky South 99 compound sa Porac.
Inihayag ni Cassandra “Cassie” Li Ong, ang authorized representative ng Lucky South 99, na pawang ninong nya si Wu at nagsilbi din na translator sa ginanap na pagdinig sa Mababang Kapulungan.
Nagpalabas ng subpoena ang komite ni Senador Risa Hontiveros laban kay Wu sa gitna ng imbestigasyon kay Alice Guo na nadakip sa Indonesia nitong nakaraang Biyernes.
“Inimbita natin siya, itong si Mr. Wu Duanren early, one of the early hearings. Kaya lang wala rin tayong makuhang address niya dito sa Pilipinas,” ayon kay Hontiveros.
Samantala, kinuwestiyon naman ni Villanueva si Shiela Guo, sinasabing kapatid ni dismissed Bamban Mayor Alice Guo, sa kanilang biyahe sa Taipei kasama si Wu, Alice Guo, at dalawang assistants.
Sinabi ni Shiela Guo na hindi siya sigurado na ninong ni Cassie si Wu.
Kinumpirma naman ni Alice Guo ang kanilang biyahe sa Taipei noong Chinese New Year para magbakasyon.
“Wala po akong relasyon sa kanya pero mag i-invest po dapat siya sa Bamban,” aniya.
Ayon kay Alice Guo, nakikilala niya si Wu sa pamamagitan ni Ong.
Nadakip sina Ong at Shiel Guo habang papaalis ng Batam, Indonesia ng Indonesian authorities nitong Agosto. Ibinalik sila sa Maynila ng araw na iyon. Ernie Reyes
