Kiko Barzaga nagbunyag ng SALN

MANILA, Philippines – Ibinahagi ni “Congressmeow” Cavite 4th district Rep. Francisco “Kiko” Barzaga ang kanyang statement of assets, liabilities, and net worth (SALN) sa pamamagitan ng Facebook post, gamit ang cat avatar.

Nag-upload si Barzaga ng mga picture file ng kanyang SALN sa kanyang Facebook nitong Martes ng hapon, Oktubre 21.

Ang pangunahing post ay nagpakita ng dalawang-pahinang dokumento na hawak ng isang puting pusa. Nag-post siya ng malinis na kopya ng mga file sa comments section.

Ayon sa nakabahaging dokumento, si Barzaga, 27, isang social media savant at first-time congressman, ay may net worth na P5.375 milyon.

Nilinaw niya sa post, “Not including untransferred, inherited assets from the late Congressman Pidi Barzaga: Vehicles, Dasmariñas Property, and Cash amounting to an estimated total of 35 Million PHP.”

Aniya ang P5.375 million ay kabuuang mula sa kanyang idineklarang “cash” at “cash from monthly income”.