MANILA, Philippines – Sinuspinde ng UAAP ang lahat ng event nito na nakatakda ngayong Linggo, Nobyembre 9 dahil sa Bagyong Uwan.
Sa pahayag, inanunsyo na ang lahat ng basketball, men’s football, at high school volleyball games na nakatakda ngayong Linggo ay kanselado.
Kabilang sa mga nakanselang laro ay ang basketball matchups sa pagitan ng Ateneo de Manila University at De La Salle University, maging ang Far Eastern University at University of Santo Tomas.
Apektado rin ang men’s football fixtures tampok ang UST at FEU, at La Salle laban sa University of the Philippines.
“The safety of our student-athletes, coaches, officials, fans, and everyone involved is our top priority. We strongly advise everyone to take all necessary precautions, stay indoors if possible, and ensure the safety of your family and loved ones during this severe weather event,” sinabi ng UAAP.
Idinagdag pa na ang bagong iskedyul ng mga apektadong laro ay ilalabas sa oras na maisapinal ito. RNT/JGC
