LOS ANGELES— Sinabi ni LeBron James na wala na siyang dapat patunayan sa basketball court ngunit nasasabik pa rin siya sa paparating na NBA season, ang kanyang ika-22 sa pangkalahatan at unang paglalaro kasama ang kanyang teenager na anak na si Bronny.
Matatandaang ang Los Angeles Lakers forward, isang four-time NBA champion at all-time leading scorer ng liga, ang nagpalakas sa Team USA para masungkit ang gintong medalya sa Paris Games nitong summer para sa kanyang ikatlong Olympic title.
Matutupad ni James ngayong season ang kanyang pangarap na makapaglaro kasama ang kanyang 19-anyos na anak na si Bronny, na pinili ng Lakers bilang 55th pick ng NBA draft ngayong taon.
Ang nakatatandang James, na magiging 40 taong gulang noong Disyembre, ay nagsabi na “kamangha-manghang” na makibahagi sa sahig kasama ang kanyang anak sa panahon ng pagsasanay noong Martes.
Maglalaro ang mag-ama sa ilalim ng first time head coach na si JJ Redick, bagama’t sinabi ni LeBron na siya ay magiging “extension ng coaching staff sa sahig.”
“Ako ay mangunguna sa pamamagitan ng halimbawa,” sabi niya.
“Mangunguna ako gamit ang boses ko. Napaka commanding ng boses ko.”
Sinabi ni LeBron na marami ang dapat pagbutihin ng Lakers matapos nilang matamo ang first-round playoff na kabiguan sa kamay ng Denver Nuggets noong nakaraang season, na nagsasaad ng pangangailangan na maging mas mahusay sa transition defense.
“We have to hold each other accountable, help each other, demand more out of each other,” he said when asked what it would take for the Lakers to be a top five defense in the league.
Maghohost ang Lakers saMinnesota Timberwolves sa kanilang regular season opener sa Oktubre 17.JC
