MANILA, Philippines – Nagpataw ang Land Transportation Office (LTO) ng 90-day preventive suspension sa lisensya ng drayber ng isang Ferrari na nagrekord ng video habang nagmamaneho.
Sa pahayag nitong Sabado, Oktubre 25, kinilala ng Department of Transportation (DOTr) ang drayber ng Ferrari convertible na si Dennis Bryan Intia Caadan.
Tinukoy ng ahensya ang video ni Caadan na kumalat online kung saan nagvi-video siya habang nagmamaneho at paminsan ay tumitingin sa camera at naaalis ang paningin sa kalsada.
Ani Acting Transportation Secretary Giovanni Lopez, ang ganitong aksyon ni Caadan ay mapanganib sa mga kasamahan sa kalsada.
“Such actions are dangerous because it’s not only the driver who could get hurt, but also other road users. That’s why we will not let this pass—to serve as a warning to others. Arrogant and boastful drivers have no place on the road,” sinabi ni Lopez.
Batay sa show-cause order ng LTO, si Caadan, na registered owner din ng sasakyan ay inatasan na magtungo sa Intelligence and Investigation Division ng LTO sa East Avenue, Quezon City, sa Oktubre 39.
Pinagpapasa ito ng paliwanag kung “why you should not be administratively charged for Reckless Driving (Sec. 48 of R.A. 4136), Anti-Distracted Driving Act (Sec. 4 of R.A. 10913) and why your driver’s license should not be suspended or revoked for being an Improper Person to Operate a Motor Vehicle pursuant to Sec. 27(a) of R.A. 4136 in connection with the above-stated incident under the existing Traffic Rules and Regulations.”
“Failure to appear and submit a verified comment/explanation as required shall be construed by this office as a waiver of your right to be heard, and the case shall be decided based on the evidence at hand,” saad pa sa show-cause order.
Inatasan din ng LTO ang drayber na isuko ang kanyang driver’s license sa nasabing petsa.
Inilagay na rin sa alarma ang sangkot na sasakyan. RNT/JGC
