MANILA, Philippines – Iminungkahi ni Senador Erwin Tulfo na bigyan ng livelihood capital ang mga benepisyaryo ng Pantawid Pamilyang Pilipino Program (4Ps) sa halip na cash transfer para matigil ang mga napaulat na pang-aabuso.
“If we give them capital, they can use it to start businesses and contribute to the economy. We can provide them enough funds to start a sari-sari store, an eatery, or even engage in online selling,” ani Tulfo sa isang pahayag noong Linggo.
Ito ay matapos umanong mahuli ang ilang benepisyaryo ng 4Ps na gumagamit ng kanilang cash grant sa pagsusugal at ilegal na droga.
Ayon pa kay Tulfo, ang ilan sa benepisyaryo ng 4Ps “would rather have livelihood capital instead of monthly cash transfer.”
“It is also hard for them to hear that they are being called freeloaders, lazy, and that they do not add value to the country,” aniya.
“It is also unfair to low-wage earners like security guards, janitors, or house helpers who tighten their belts due to lack of funds but receive nothing from the government, such as 4Ps, since they are not qualified,” dagdag niya.
Sinabi ng mambabatas na ang panukalang ito ay isa sa mga paksang nais niyang ihatid sa nalalapit niyang pagpupulong kay Pangulong Ferdinand Marcos Jr. at Department of Social Welfare and Development (DSWD) Secretary Rex Gatchalian.
Sa talakayan ng Post-SONA noong Martes, ibinahagi ni Gatchalian na ang panawagan ng Pangulo na amyendahan ang 4Ps law ay magbibigay-daan sa mga nasa programa na manatili ng mas mahaba sa pitong taon. RNT/MND
