LA UNION-Tigok ang 70-anyos na lola matapos na aksidenteng mabangga ng kotseng minamaneho ng isang 72-anyos na lalaki sa Brgy. Nagrebcan, Bauang ng lalawigang ito kahapon, Setyembre 9.
Kinilala ng Bauang Municipal Police Station ang nabanggang pedestrian na si Clarita Flores y Memita, biyuda, residente ng Bayongbong, Nueva Viscaya.
Nakilala naman ang driver ng kulay blue na Honda Civic na si Elmer Tamiao y Mendoza, may asawa, residente ng Brgy. Guerero, Bauang, La Union.
Ang Honda Civic ay bumibiyahe papuntang timog gamit ang southbound inner lane nang biglang tumawid sa kalsada ang pedestrian na galing ng kanluran paputang silangan kaya nabangga ito ng naturang sasakyan.
Dahil dito, nagtamo ng serious injury ang pedestrian na agad na dinala sa ITRMC ng mga rumespondeng MDRRMO personnel.
Gayunman, ang pedestrian ay idineklarang dead-on-arrival ng umatending doktor. Rolando Gamoso
