LPA nabuo sa silangan ng Pilipinas, papasok sa PAR mamayang gabi

MANILA, Philippines – Nabuo ang isang Low Pressure Area (LPA) sa silangan ng bansa nitong Lunes, Agosto 4.

Ayon sa PAGASA, posibleng pumasok ang LPA sa Philippine area of responsibility ngayong gabi.

Huling namataan ang LPA sa layong 1,095 kilometro silangan ng Eastern Visayas o nasa labas ng PAR.

Kikilos ito sa direksyong northwestward sa mga susunod na araw at maaaring makaapekto ang trough nito sa ilang bahagi ng Luzon at Visayas sa Huwebes.

Mababa ang posibilidad nitong mabuo bilang isang bagyo sa susunod na 24 na oras. RNT/JGC