BACOLOD CITY – Patay ang isang 48-anyos na magsasaka sa pagbabarilin sa Sitio Tinibyan, Barangay Minapasuk, Calatrava, Negros Occidental noong Biyernes, Nob. 15.
Kinilala ng pulisya ang biktima na si Florencio Alquiza III.
Sinabi ni Police Major Wilfredo Benoman Jr., hepe ng Calatrava police, naghahapunan ang biktima at isang kasama sa bahay nang dumating ang hindi pa nakikilalang suspek at pinagbabaril si Alquiza sa ulo.
Si Alquiza ay idineklarang patay sa isang ospital.
Nagsagawa ng follow-up investigation ang pulisya sa insidente.
