MANILA, Philippines – Arestado ng Makati City Police ang isang pickpocket na kilala sa panloloob sa mga pasahero ng public utility jeepneys (PUJ) matapos mahuli sa illegal gambling noong Enero 8.
Kinilala ang suspek bilang si “Carl,” 25, residente ng Barangay Pio del Pilar.
Ayon sa ulat ng pulisya, si Carl at ang kanyang mga kasama ay nahuli ng pulis sa Medina Street, Barangay Pio del Pilar habang sangkot sa ilegal na sugal.
Narekober mula sa kanila ang pera sa sugal at 0.6 gramo ng shabu na nagkakahalaga ng P4,080 mula kay Carl.
Dagdag pa sa imbestigasyon, natuklasang sangkot si Carl sa maramihang kaso ng pickpocketing at snatching sa mga PUJ.
Si Carl ay nahaharap sa illegal drugs at gambling charges, habang ang kanyang mga kasama ay kakasuhan lamang ng illegal gambling.
Pinuri ni SPD District Director Brig. Gen. Randy Arceo ang mga nag-aresto at binigyang-diin ang patuloy na pangako ng Southern Police District na labanan ang street-level criminality.
“The arrest reflects our sustained efforts to address crimes that directly affect public safety and community peace. The Southern Police District will continue to enforce the law firmly and fairly,” ani Arceo. RNT/MND
