MANILA, Philippines – Inatasan ang Davao Region field unit ng Criminal Investigation and Detection Group (CIDG) na suriin ang mga umano’y
extrajudicial killings (EJKs) sa rehiyon.
“Of course, it’s an order. We are going to comply,” ayon kay CIDG director Maj. Gen. Robert Alexander Morico II nitong Lunes, Hunyo 1.
“Right now, the Regional Field Unit 11 was already directed to account for these cases,” dagdag pa.
Noong Mayo 11 ay inatasan ni Interior and Local Government Secretary Jonvic Remulla ang Philippine National Police (PNP) na buksan ang imbestigasyon kaugnay sa mga pagpatay, partikular ang mga kasong nangyari nang magsilbi bilang hepe ng Davao City police si Senador Ronald “Bato” Dela Rosa.
Siniguro naman ni PNP Forensic Group Director, Col. Pierre Carpio na handa ang kanilang unit sa imbestigasyon ng pulisya.
“If an investigator-on-case has a request to process such a crime scene, all of it is recorded, documented and processed at a laboratory. Our storage is also intact for all evidence of such alleged crimes,” paliwanag ni Carpio.
Matapos ianunsyo ni Remulla ang pag-uutos sa PNP na buksan ang imbestigasyon sa mga umano’y EJK ay inanunsyo rin ng PNP na ipatatawag nito si Dela Rosa bilang bahagi ng imbestigasyon. RNT/JGC
