MANILA, Philippines – Nagbukas ng pintuan ang ilang simbahan sa Quezon City para sa mga evacuees na lumikas dahil sa mga pagbaha sa malalakas na pag-ulan dulot ng Southwest Monsoon o Habagat.
Sa social media post, sinabi ng Diocese of Cubao na bukas ang mga sumusunod na simbahan para sa mga evacuee:
Holy Family Parish – Roxas
San Antonio de Padua Parish
Basilica Minore de San Pedro Bautista
Minor Basilica of the National Shrine of Our Lady of Mount Carmel
Immaculate Heart of Mary Parish
“As the community faces this difficult time, our Church remains a refuge, offering shelter, comfort, and the loving presence of Christ through its people,” ayon sa Diocese of Cubao.
Binigyan ng pagkain, tubig, damit at sleeping materials ang mga evacuee.
Matatandaan na matinding binaha ang ilang bahagi ng Quezon City dahil sa malalakas at tuloy-tuloy na pag-ulan, partikular ang mga lugar ng G. Araneta Avenue, A. Bonifacio Avenue, at Quezon Avenue patungong E. Rodriguez Avenue. RNT/JGC
