MANILA, Philippines — Naglabas ang Metropolitan Manila Development Authority (MMDA) ng mga alternatibong ruta sa Quezon City para sa State of the Nation Address (SONA) ni Pangulong Ferdinand Marcos Jr. sa Hulyo 27.
Inaasahan ang mabigat na trapiko sa Commonwealth Avenue, IBP Road, at iba pang pangunahing kalsada malapit sa House of Representatives.
Alternatibong ruta:
Northbound (Quezon Memorial Circle patungong Fairview):
–Dumaan sa North Avenue, kanan sa Mindanao Avenue, saka sa Sauyo Road o Quirino Highway.
Southbound (Fairview patungong Quezon Memorial Circle):
–Mula Commonwealth Avenue, dumaan sa Sauyo Road o Quirino Highway, kaliwa sa Mindanao Avenue, at kaliwa sa North Avenue.
Pinapayuhan naman ang mga truck mula C-5 Road o Katipunan Avenue na dumaan sa Luzon Flyover at Congressional Avenue. Ang mga light vehicle ay maaaring dumaan sa Magiting, Maginhawa, Mayaman, at Kalayaan Avenue.
Magpapatupad ang MMDA ng no-day off, no absent policy sa mga traffic personnel at magde-deploy ng 1,481 tauhan. Maghahanda rin ito ng mga tow truck, motorsiklo, ambulansya, command center, CCTV cameras, at emergency response team malapit sa Batasang Pambansa. RNT/MDS
