TINGNAN: Nagkasundo sa pamamagitan ng Memorandum of Agreement sina Mayor Joy Belmonte at SMC Chairman and CEO Ramon S. Ang para sa Better Rivers Project, isang Flood Control Cooperation Program sa pagitan ng Quezon City Government at San Miguel Corporation.
Kabilang rin sa mga lumagda sina City Administrator Michael Alimurung, City Engineer Atty. Dale Perral, SMC River Clean Up Program VP at Overall Manager, Jimmy Lu, at SMC AVP for Government Affairs and Advocacy Group, Atty. Cynthia De Castro.
Saksi naman sa kasunduan si Department of Environment and Natural Resources (DENR) Undersecretary for Integrated Environmental Science, Dr. Carlos David.
Layunin ng proyekto na paigtingin ang rehabilitasyon at paglilinis ng mga ilog upang mapabuti ang daloy ng tubig at maiwasan ang pagbaha sa lungsod. DANNY QUERUBIN
