MANILA, Philippines – Lalong lumakas ang Severe Tropical Storm Nando habang tinatahak ang Philippine Sea, ayon sa PAGASA’s bulletin na inilabas kaninang alas-5:00 ng madaling araw nitong Sabado.
Namataan si Nando sa layong 780 km silangan ng Casiguran, Aurora, taglay ang maximum sustained winds na 100 km/h malapit sa gitna at pagbugsong aabot sa 125 km/h.
Kumikilos sa hilagang-kanluran sa bilis na 10 km/h, papalakasin ng Nando ang Southwest Monsoon (Habagat) habang papalapit ito sa landmass, sabi ng PAGASA.
“Wind Signal No. 1 will be hoisted over Northern Luzon within the day, and the highest wind signal that may be hoisted throughout its passage is Wind Signal No. 5,” saad ng PAGASA.
Inaasahang tataas sa typhoon category si Nando sa loob ng susunod na 12 oras at magiging super typhoon sa Lunes bago ito lumapit sa Batanes-Babuyan Islands.
Ang sentro ni Nando ay maaaring lumapit o lumapag sa Batanes o Babuyan Islands sa Lunes ng hapon o gabi, ayon sa forecast track.
Maaari itong lumabas sa Philippine Area of ​​Responsibility pagsapit ng Martes ng umaga o tanghali. RNT/MND
