MANILA, Philippines – Sinabi ng bagong itinalagang Philippine National Police (PNP) officer-in-charge na si Lt. Gen. Jose Melencio Nartatez Jr. na wala siyang nakikitang conflict sa loob ng ahensyang nagpapatupad ng batas kasunod ng biglaang pagtanggal sa kanyang hinalinhan na si Gen. Nicolas Torre III.
Nangyari ito halos tatlong linggo matapos italaga ni Torre ang dating Deputy Chief for Administration na si Nartatez upang magsilbi bilang Area Police Command (APC) Western Mindanao commander.
“We’re okay, and formally I’m commander of… when he was the chief, I was the deputy chief for the administration, and then after two months I was designated as the commander of the area police command in western mindanao,” ani Nartatez
Sa isang resolusyon na may petsang Agosto 14, inatasan ng National Police Commission (Napolcom) si Torre na ibalik si Nartatez bilang deputy chief, ngunit sinabi ng noo’y hepe ng PNP na ipatawag muna niya ang Senior Officers’ Placement and Promotion Board.
Matapos ang resolusyon ng Napolcom, nilagdaan ng mga hepe ng lahat ng regional offices ng PNP ang manifesto ng suporta kay Torre noong Agosto 15.
“I think in the end they will follow their oaths and be true to their service,” saad ni Interior Secretary Jonvic Remulla sa isang press conference sa Camp Crame upang ianunsyo ang appointment ni Nartatez.
“We do not consider it in any way as such other than as a statement of support. We do not color it with anything else except that. so we do not expect anything different from the service after this turnover occurs,” dagdag niya. RNT/MND
