ISANG mahalagang talakayan ukol sa kalusugan ng mga bata ang naging sentro ng pampublikong
serbisyo sa programang "Health & Travel @ Serbisyo Publiko" sa DWBL 1242 kHz AM band, na
pinangunahan ng kilalang broadcaster at "Agarang Serbisyo Lady".
Sa naturang episode, hinimok ng inyong lingkod ang mga magulang at tagapag-alaga na bigyang-pansin
ang Pediatric Nephrology, ang larangan ng medisina na nakatuon sa kalusugan ng mga bato (kidneys) ng
mga bata, isang paksang madalas ay hindi napag-uusapan ngunit may malaking epekto sa kabataan.
Ayon sa ulat, patuloy ang pagdami ng mga kaso ng sakit sa bato sa mga kabataan na dinadala sa mga
ospital, kabilang na sa mga pampublikong sentro tulad ng National Children’s Hospital (NCH).
Kabilang sa mga karaniwang nararanasan ng mga bata ay ang mga sumusunod:
Urinary Tract Infection (UTI) o mga impeksiyon sa bato.
Congenital kidney defects (mga problemang binuo na bago pa ipanganak).
Nephrotic Syndrome at Glomerulonephritis.
Chronic Kidney Disease (CKD) na sa malulubhang kaso ay maaaring humantong sa dialysis o
kidney transplant.
Payong Medikal mula sa Eksperto
Upang himayin ang mga sanhi, sintomas, at makabagong gamutan, nakasama sa programa si Dr.
Catherine Jennifer Catibog, isang Pediatric Nephrologist na nagtapos ng kanyang pagsasanay sa
National Kidney and Transplant Institute (NKTI) at kasalukuyang aktibong consultant sa NCH.
Sa panayam ng inyong lingkod, sinagot ni Dr. Catibog ang mga mahahalagang katanungan na dapat
malaman ng bawat pamilya upang maprotektahan ang mga anak:
1. Wastong Nutrisyon at Habits: Binigyang-diin ang pagtuturo ng mga simpleng gawi sa mga bata
tulad ng sapat na pag-inom ng tubig araw-araw at ang pag-iwas sa pagpigil ng ihi upang
maiwasan ang impeksyon.
2. Paglilimita sa Maaalat at Matatamis: Mahalagang bantayan ang pagkain ng mga bata. Dapat
limitahan ang mga processed foods, junk foods, at matatabang pagkain na maaaring magdulot
ng obesisdad (obesity). Ang sobrang timbang ay may direktang negatibong epekto sa paggana
ng mga bato.
3. Altapresyon sa Kabataan: Nilinaw ng eksperto na ang High Blood Pressure o altapresyon ay
posible ring mangyari sa mga bata, at madalas na ito ay senyales o sanhi mismo ng malalim na
sakit sa bato.
4. Peligro ng Herbal at Supplements: Nagbabala si Dr. Catibog laban sa basta-bastang
pagpapainom sa mga bata ng mga herbal medicines o supplements nang walang reseta ng
doktor, dahil maaari itong magdulot ng seryosong pinsala o toxicity sa kanilang mga bato.
5. Lunas Kahit Walang Sintomas: Posibleng magkaroon ng sakit sa bato ang isang bata kahit
mukha itong malusog sa labas, kaya naman mahalaga ang regular na pagpapasuri at pagmo-
monitor kung may history ng sakit sa pamilya.
Ang mga makabagong pasilidad at serbisyo para sa Pediatric Nephrology ay patuloy na bukas sa
National Children’s Hospital upang gabayan ang bawat pamilyang Pilipino.
