MANILA, Philippines- Pumalo ang inisyal na halaga ng pinsala sa mga pasilidad ng electric cooperatives dahil sa Southwest Monsoon (Habagat) na pinalakas ni Bagyong Carina sa P3,142,720.91, base sa National Electrification Administration (NEA) nitong Huwebes.
Hanggang nitong Hulyo 25, sinabi ng NEA na ang tinatayang pinsala ay tinamo ng Central Pangasinan Electric Cooperative (CENPELCO), Benguet Electric Cooperative (BENECO), Mountain Province Electric Cooperative (MOPRECO), Zambales II Electric Cooperative (ZAMECO II), at Occidental Mindoro Electric Cooperative (OMECO).
Umabot naman ang bilang ng apektadong consumer connections sa 114,565.
Sa 22 apektadong electric cooperatives, 13 ang normal ang operasyon kabilang ang mga sumusunod:
La Union Electric Cooperative
Pangasinan I Electric Cooperative
Pangasinan III Electric Cooperative
Ilocos Sur Electric Cooperative
Batanes Electric Cooperative
Zambales I Electric Cooperative
Tarlac II Electric Cooperative
Pampanga I Electric Cooperative
Pampanga III Electric Cooperative
Pampanga III Electric Cooperative
Pampanga Rural Electric Service Cooperative
Batangas Electric Cooperative
Oriental Mindoro Electric Cooperative
Inihayag ng NEA na naibalik na ang kuryente sa 236 munisipalidad mula sa 287 o 82.23% na apektado ang power interruptions, habang 34 sa mga ito ang “partially restored.”
Narito ang siyam na electric cooperatives na nasa ilalim ng partial power interruption:
Central Pangasinan Electric Cooperative
Ilocos Norte Electric Cooperative
Benguet Electric Cooperative
Mountain Province Electric Cooperative
Abra Electric Cooperative
Zambales II Electric Cooperative
Peninsula Electric Cooperative
Tarlac I Electric Cooperative
Occidental Mindoro Electric Cooperative
