MANILA, Philippines – Nagbabala ang pamahalaan laban sa pagbebenta ng pre-registered SIM cards at illegal forms ng assisted registration.
Sa pagpupulong kasama ang telecommunications companies, SIM distributors, at dealers, tinugunan ng National Telecommunications Commission (NTC) ang mga isyu sa pagbebenta ng
pre-registered SIM cards at iba pang uri ng assisted registration, na labag sa Republic Act (RA) 11934.
Ang RA 11934, o SIM Registration Act, ay nagbibigay mandato sa mahigpit na guidelines sa SIM card registration at distribusyon para palakasin ang national security.
Sinabi ng NTC sa pahayag nitong Biyernes, Hulyo 19, na ang pagpasok sa mga illegal na aktibidad na ito ay maaaring magresulta sa criminal charges, sa parusang anim na taong pagkakulong at multang hanggang P300,000.
Bukod sa paglabag sa regulatory norms, ang pagbebenta ng pre-registered SIM cards at assisted registration ay nagsisilbi ring banta sa national security.
“The NTC is committed to ensuring the integrity of SIM registration processes across the telecommunications industry,” ayon kay NTC Commissioner Ella Blanca Lopez.
“Through these dialogues, we aim to clarify regulatory requirements and expectations while fostering cooperation among telcos, distributors, and dealers to uphold the law.” RNT/JGC
