Naghahanda at patuloy na pinakikinis ni EJ Obiena ang kanyang talent sa pole vault sa tagong lugar na malayo sa istorbo sa Paris bago ito sumabak sa Olympics.
Medyo kinakabahan na ang Pinoy kaya todo paghahanda nito sa layuning makuha ang gintong medalya sa men’s pole vault.
“Nangangako ako sa inyong lahat ibibigay ko ang 99 percent ko, kundi lahat ng 100 percent,’’ sabi ni Obiena, na ang paghahanap ng imortalidad sa pinakadakilang entablado sa sports ay napigilan matapos mapunta sa ika-11 sa kanyang unang Olympic stab sa Tokyo tatlong taon na ang nakararaan.
Susubukan ng Asian record holder sa 6 meters ang field sa yugto ng qualification sa Agosto 3 kung saan makakaharap niya ang world champion na si Mondo Duplantis sa 81,000-seat na Stade de France.
Susubukin din ng world no. 2 na labanan ang stress at tensyon sa medal round sa Agosto 6, ang araw kung kailan si Obiena ay hinulaan ng Sports Illustrated na tatayo sa podium pagkatapos ng bakbakan.
“I’ll just try to make sure that my chances are as high as possible,’’ ani Obiena, na umaming mabigat ang hinaharap niyang laban ngayon dahil sa injury na nakuha niya sa paghahanda.
Hinulaan din ng US-based sports magazine sa website nito na makakamit ni Obiena ang isang bronze medal sa likod nina Duplantis, ang nagtatanggol na Olympic gold medalist, at Chris Nilsen ng United States.
Bago mag-set up ng kampo sa Normandy Sports Center, hindi nagawang umakyat ni Obiena sa medal podium sa kanyang huling malaking torneo bago ito, nagtapos sa ika-apat dalawang linggo na ang nakakaraan sa Meeting de Paris, isang top-caliber Diamond League leg na madaling napanalunan ni Duplantis.
Naging todo ang suporta ng Philippine Athletics Track and Field Association at ang Philippine Sports Commission kay Obiena kahit na ang kanyang mga magulang na sina Emerson at Jeanette, na parehong dating mga atleta, ay nagiging instrumento sa pagtulong sa kanilang anak sa logistik sa Palaro.
