MANILA, Philippines — Iniuugnay ni Senador Risa Hontiveros sa online extremist group na tinatawag na “764” ang pamamaril ng dalawang menor de edad na estudyante sa isang paaralan sa Tacloban City, na ikinasawi ng tatlong mag-aaral at ikinasugat ng marami.
Ayon kay Hontiveros, maaaring naimpluwensiyahan umano ng grupo ang trahedya. Ang “764” ay pinaniniwalaang bahagi ng isang nihilistic violent extremism network.
Sinabi ni Hontiveros na itinuturing ng Federal Bureau of Investigation sa Amerika ang “764” bilang isang “national security threat,” habang idineklara naman ito ng gobyerno ng Canada bilang teroristang grupo.
Batay sa Global Network on Extremism and Technology, isang online child extortion group ang “764” na itinatag noong 2021 ng Discord user na si Bradley Cadenhead. Napaulat na hango ang inspirasyon nito sa isa pang Discord community na “Cvlt,” na pinipilit ang mga bata na gumawa ng seksuwal na gawain sa camera para sa sextortion.
“According to the statement of facts reviewed by the authors, the investigating officer found that Cadenhead had been fascinated with online content depicting murder and torture from the age of 10. Subsequently, Cadenhead became acquainted with an unknown individual through the online game Minecraft who aided him in starting the group known as 764,” sabi ng GNET.
Bukod dito, hinihikayat umano ng “764” ang iba pang uri ng karahasan at pang-aabuso sa mga menor de edad, kabilang ang pagpapahirap sa hayop, incest, panggagahasa, pananakit sa sarili, at bestiality.
“764 force victims to carry out four key types of harm that may be recorded and shared on social media platforms or disseminated internally. These include forced drug use and self-harm, such as non-suicidal self-injury with blades or needles, asphyxiation or burning,” sabi ng GNET.
“New members are also encouraged to engage in animal abuse, being forced to injure or kill personal pets or other animals,” dagdag nito.
Ayon naman sa Anti-Defamation League, isang anti-hate group na nakabase sa Amerika, nakaugat ang ideolohiya ng “764” sa “nihilism and misanthropy, promoting a worldview that rejects moral norms and sees no value in human life.”
Parehong sinabi ng GNET at ADL na kumukuha ng biktima ang grupo mula sa online communities, kabilang ang Roblox at Minecraft, na kamakailan ay naging paksa ng debate sa Pilipinas.
“Discord serves as the preferred platform for this purpose. Discord’s popularity with 764 arises from the many pre-existing communities they can recruit from on the platform. This ranges from Roblox or Minecraft servers run by 764 users, self-harm servers, gore, etc. Additionally, the ease of server creation and management and the capacity for text, voice, and video communication all make it an attractive platform for their purposes,” sabi ng GNET.
“764 members employ several techniques to lure victims into these private spaces, including offering in-game rewards or virtual currency for games like Roblox, or feigning romantic interest to coerce the victim into sharing personal or compromising information,” sabi ng ADL.
Bago ang mga kamakailang insidente ng pamamaril at pananaksak, nasuri ang online gaming platform na Roblox sa Pilipinas dahil sa mga ulat ng umano’y pangangalap ng mga menor de edad para sa ilegal na aktibidad.
Gayunman, sinabi ng Department of Information and Communications Technology noong Abril na hindi na nito itutuloy ang planong ipagbawal ang Roblox sa bansa matapos mangako ang online gaming platform na paiigtingin ang safeguards nito sa gitna ng mga alalahanin sa kaligtasan ng mga bata.
Naaresto si Cadenhead noong 2021 at kasalukuyang nagsisilbi ng 80-taong sentensya sa bilangguan sa Texas. Santi Celario
