MANILA, Philippines – Nakalabas na sa Philippine Area of Responsibility ang Bagyong Opong (international name: Bualoi) ngayong Sabado ng umaga, Setyembre 27, sabi ng Philippine Atmospheric, Geophysical and Astronomical Services Administration (Pagasa).
Sa kanilang 11 a.m. bulletin, sinabi ng Pagasa wala nang Tropical Cyclone Wind Signals ang nakataas kahit saan sa bansa habang papalayo si Opong.
Huling namataan ang bagyo sa layong 645 kilometro kanluran ng Sangley Point, Cavite City, kumikilos pakanluran-hilagang-kanluran sa bilis na 35 kilometro bawat oras (kph) patungo sa hilagang Vietnam. Nagdala ito ng maximum sustained winds na 120 kph at pagbugsong 150 kph.
Idinagdag ng Pagasa na habang ang Opong ay inaasahang lilipat patungo sa Vietnam, ang paglakas nito ng habagat ay maaari pa ring magdulot ng malakas na hangin at maalon na karagatan sa ilang bahagi ng Luzon, Western Visayas at Negros Occidental.
Samantala, iniulat ng National Disaster Risk Reduction Department Council na 19 katao ang namatay sa pinagsamang resulta ng Opong, Nandong, at Mirasol. Apat dito ang kumpirmado, habang 15 ay nasa ilalim pa ng validation. RNT/MND
