MANILA, Philippines – Nakumpiska ng mga anti-narcotics operatives ng gobyerno noong Lunes, Disyembre 10, ang mahigit P1.5 milyong halaga ng shabu kasunod ng pagkakaaresto sa tatlong umano’y drug personalities sa isang buy-bust operation sa Misamis Oriental.
Sinabi ng Philippine Drug Enforcement Agency (PDEA) na nahuli ang mga suspek sa Barangay Amoros, El Salvador City kung saan nakumpiska ang 225 gramo ng shabu.
Ang operasyon ay isinagawa ng Philippine National Police Drug Enforcement Group-Special Operations Unit 10 (lead team) at PDEA Regional Special Enforcement Team (PDEA RO-X RSET).
Nahaharap ang mga suspek sa kasong paglabag sa Republic Act (RA) 9165, o “The Comprehensive Dangerous Drugs Act of 2002.’’ RNT
