P115-M tobats nasawata ng PDEA sa CDO

CAGAYAN DE ORO CITY — Nahuli ng mga awtoridad ang dalawang suspek at nakumpiska ang higit P115 milyon na halaga ng shabu sa pinakamalaking drug haul sa lungsod, sa isang pinagsanib na operasyon ng Philippine Drugs Enforcement Agency noong Nobyembre 4, 2025.

Kasama sa operasyon ang PDEA 10, PNP, at mga airport at seaport interdiction units.

Narekober ang pitong vacuum-sealed na bag ng shabu na may bigat na 17 kilo, buy-bust money, isang brown na duffle bag, at dalawang touchscreen na cellphone sa NHA, Kauswagan.

Kinilala ni PDEA Regional Director Alex M. Tablate ang mga suspek bilang sina alias “Macoy,” 19 taong gulang, at alias “Alex,” 36 taong gulang, mula sa Tablon, Cagayan de Oro City.

Sila ay kakaharapin ang kasong paglabag sa Sections 5 at 11 ng Comprehensive Dangerous Drugs Act of 2002 (RA 9165). Dave Baluyot