MANILA, Philippines – Kinumpiska ng National Bureau of Investigation (NBI) ang mga peke na mga piyesa ng motorsiklo na nagkakahalaga P12 milyon sa ikinasang pagsalakay sa Balagtas, Bulacan.
Sa pahayag na inilabas ng NBI noong Martes, sinabi ng NBI na ang Intellectual Property Rights Division (NBI-IPRD) ay nagsagawa ng operasyon sa tulong ng mga Bulacan police.
Ang pagsalakay ay bunsod ng reklamo mula sa isang kumpanya ng pagmamanupaktura ng sasakyan, motorsiklo, at power equipment hinggil sa mga pekeng produkto na may tatak ng kanilang produkto.
Armado ng apat na search warrant, tinutukan ng mga awtoridad ang isang tindahan ng mga piyesa ng motor sa Balagtas.
Nasamsam ang iba’t ibang mga pekeng piyesa at accessories ng motorsiklo. (Jocelyn Tabangcura-Domenden)
