MANILA, Philippines – Umabot na sa isang bilyong piso ang tinatayang pinsala sa mga paaralan dulot ng magnitude 6.9 na lindol na tumama sa Cebu.
“The total damage to schools across the province is projected to exceed P1 billion, with more than 50,000 learners and over 1,400 teaching and nonteaching personnel affected, including nearly 900 in Bogo City,” pahayag ni Salustiano Jimenez, Department of Education (DepEd) regional director for Central Visayas, nitong Huwebes, Oktubre 9.
Sa naunang pahayag, sinabi ng DepEd na nasira ng malakas na lindol ang 1,187 silid-aralan, major damage sa 803 iba pa, at minor damage naman sa 5,587 silid-aralan.
Dahil dito ay naapektuhan ang mga estudyante at ang pag-aaral ng mga ito.
Inaasahang maibabalik sa normal ang pag-aaral ng mga estudyante sa loob ng 30 araw. RNT/JGC
