P272-M lotto jackpots mailap

Walang nanalo sa major lotto jackpots noong Linggo, kung saan hindi naiuwi ang Ultra Lotto 6/58 jackpot na P222.8 milyon.

Hindi nagawang mahulaan ng bettors ang panalong kumbinasyon na 31-25-13-05-26-10, ayon sa Philippine Charity Sweepstakes Office (PCSO).

Katulad nito, ang Super Lotto 6/49 jackpot na P49.5 milyon ay hindi rin napanalunan, dahil walang tumugma sa mga panalong numero 45-20-39-12-11-29.

Gayunpaman, isang mapalad na mananaya ang nanalo ng P28.5-million Lotto 6/42 jackpot noong Sabado. RNT