MANILA Philippines – Hindi pa rin natumbok ng mga mananaya ng UltraLotto 6/58 ang winning combination na 39-46-57-37-45-50 na may premyong P101,042,256.80 sa katatapos na draw kagabi, Agosto 20.
Dalawang katao naman ang nakakuha ng lima sa anim na kumbinasyon na makakatanggap ng nagkakahalagang tig-P120,000.00.
Maging ang kasabay na SuperLotto 6/49 ay wala ring may nakahula sa kumbinasyon na 18-15-06-04-41-17 na may jackpot prize na P15,840,000.00. Walong indibidwal naman ang makakapag-uwi ng tig-50,000.00 matapos na mahulan nito ang limang numero.
Habang ang Lotto 6/42 na may kumbinasyon na 40-24-30-03-26-41 at premyong P5,972,481.20 ay wala ring pinalad. Nasa 14 indibidwal naman ang makakakuha ng tig-P24,000.00 dahil sa nahulaan ng mga ito ang lima sa anim na numero.
Tinatayang aabot sa P213.5 milyon ang jackpot prize sa GrandLotto 6/55 habang ang MegaLotto ay P8.9 milyon ang jackpot mamayang gabi.
Samantala, isang mapalad na mananaya ang nanalo ng 6D Lotto jackpot na P4.23 milyon noong Martes, kung saan natumbok ang 0-8-3-1-8-4 na winning digits. Toto Nabaja
