MANILA, Philippines – Inaprubahan na ng National Economic and Development Authority Board ang kabuuang 194 priority infrastructure projects na nagkakahalaga ng P9 trilyon.
Sa briefing ng Palasyo nitong Huwebes, Agosto 10, sinabi ni NEDA Secretary Arsenio Balisacan na ang 123 projects ay “new and initiated” sa Marcos administration.
Malaking bahagi ng mga proyekto ay para sa physical connectivity and water resources, kabilang ang irigasyon, water supply at flood management.
Isasaprayoridad din ang proyekto para sa digital connectivity, kalusugan, kuryente, at agrikultura.
Kabilang sa mga bagong proyekto sa listahan ang:
Panay Railway
Mindanao Railway III
North Long Haul Railway
San Mateo Railway
UP-PGH Diliman
NAIA or Ninoy Aquino International Airport rehabilitation
Ilocos Sur Transbasin
Metro Cebu Expressway
Sinabi pa ni Balisacan na ang proyekto ay popondohan sa pamamagitan ng official development assistance, pamahalaan at public-private partnerships (PPP).
“To hasten the rollout of these projects, the Marcos administration is strongly promoting the utilization of public-private partnerships or PPPs, one of the cross-cutting strategies likewise identified in the Philippine Development Plan 2023-2028,” anang opisyal, sabay-sabing 45 sa mga proyekto ang tinukoy para sa PPPs.
Ang listahan ng big-ticket projects, ayon sa NEDA ay isang “giant step” patungo sa target ng pamahalaan na mailagay ang Pilipinas bilang “a prime investment destination in the region.”
“These infrastructure projects, especially once they are rolled out, will boost employment opportunities because there will be massive construction activities… It will improve the investment climate of the country. Those will create jobs,” ani Balisacan.
Sinabi rin niya na ang NEDA Board, na pinamumunuan ni Pangulong Ferdinand Marcos Jr., ay inaprubahan ang pag-amyenda para sa 2013 NEDA Joint Venture Guidelines, na layong “enhancing competition for projects under joint ventures, ensuring better performance of private sector participants, and improve checks and balances to ensure that the project is technically and financially sound.” RNT/JGC
