MANILA, Philippines- Inihayag ng state weather bureu nitong Miyerkules na mayroong posibilidad na ang La Niña phenomenon, nagdudulot ng above-normal rainfall, ay magsimula sa huling quarter ng taon.
Sinabi ng Philippine Atmospheric, Geophysical and Astronomical Services Administration (PAGASA) na mayroong 50% tiyansa na umiral ang La Niña phenomenon sa Setyembre hangang Nobyembre dahil sa hindi tiyak na ocean conditions.
“[The] possibility of La Niña possibly developing in September-October-November 2024, in which 50% lang yung chance, but the model shows high uncertainty in ENSO forecast at this time of the year,” pahayag ni Ana Liza Solis, pinuno ng Climate Monitoring and Prediction Section ng PAGASA, sa isang virtual forum.
“Bakit po? Kagagaling natin sa strong El Niño… ENSO-neutral conditions, so ibig sabihin po very well-mixed ang ating karagatan, so napakaliit ng temperature gradient or differences ng ating buong karagatan. So that is why nagde-decide pa ang ating ocean depende sa mga ibang factors kung ito ay towards cooling or towards ENSO-neutral or magtutuloy lang na hindi siya lalamig,” dagdag niya.
Batay sa naunang pagtataya ng PAGASA, posible umanong umiral ang La Niña sa pagitan ng kalagitnaan ng Agosto at Oktubre.
Base sa state meteorologists, ang La Niña ay ang “cool phase” ng El Niño Southern Oscillation (ENSO) kung saan mayroong “unusually cooler than average sea surface temperatures in the central and eastern equatorial Pacific.”
Gayundin, inihayag ng PAGASA na nakaamba ang weak La Niña mula sa ika-apat na quarter ng taon hanggang unang quarter ng 2025.
“We might see a weak, short-lived La Niña. Kung hindi man po matuloy ay La Niña-like conditions,” ani Solis. RNT/SA
