MANILA, Philippines – Simula ngayong Miyerkoles, Hulyo 31, 2024, hindi na papayagan ang mga bagong hire sa Philippine Offshore Gaming Operations (POGO), ayon sa Philippine Amusement and Gaming Corporation (PAGCOR).
“Ang pinagkakaloob ng PAGCOR na lisensya ay isang kasapi. At ang tagumpay na ito eh ano man oras, maaring bawiin ng PAGCOR,” ani PAGCOR chairman Alejandro Tengco sa isang ulat.
Sinabi ng PAGCOR na magkakaroon sila ng pagpupulong sa mga kumpanya ng POGO sa susunod na linggo.
Nasa 40,000 manggagawang Pilipino mula sa 43 legal na POGOS ang maaapektuhan ng nationwide POGO ban.
Sinabi ng Department of Labor and Employment (DOLE) na nakipag-usap na sila sa business process outsourcing at information technology companies para matulungan ang mga apektadong manggagawa.
“Kasi marami sa kanila encoder. Kung meron silang kakulangan sa kanilang skills, yung mga kasanayan nila, samahan namin ng training, upskilling, [o] retraining,” ani Labor Secretary Bienvenido Laguesma.
Nauna nang sinabi ng DOLE na pinoprofile nito ang mga apektadong POGO worker para matukoy ang mga trabahong tumutugma sa kanila at ang pagsasanay na kailangan nila para sa mas magandang oportunidad. RNT
