MANILA, Philippines – Simula nang nararamdaman ang paglago ng ekonomiya bilang resulta ng pagpupursige ni Pangulong Bongbong Marcos sa pumasok ang mga investments sa bansa, ayon sa ekonomista at House Committee on Ways and Means Chairman Albay Rep. Joey Salceda.
Ayon kay Salceda, dahil sa pumasok na mga investment ay tumaas ang fourth-quarter at full-year gross domestic product (GDP) figures.
Sinabi ni Salceda na batay sa datos ng Philippine Statistics Authority (PSA), ang ekonomiya ay tumaas ng 5.6 percent sa fourth quarter ng 2023, nagresulta ito para makamit ang full-year GDP growth na 5.6 percent.
“These figures point to a robust private sector long-term investment, with gross fixed capital formation set at a very strong 8.1 percent. This points to the work of the President in encouraging more investments into the country through reforms to make doing business easier and fairer,” paliwanag ni Salceda.
Ipinagmalaki ni Salceda ang mataas na 13.6 percent growth sa exports of services na nakamit umano sa kanila ng ilang mga balikad kasama na dito ang conflicr sa Ukraine at Israel gayundin ang mataas na United States (US) federal reserve interest rates.
“All in all, the efforts to boost investment are working despite global headwinds, but to support expansionary government spending, we need strong tax and non-tax revenue growth, as well as faster releases of programmed and unprogrammed appropriations,” pagtatapos pa ni Salceda. Gail Mendoza
