Home NATIONWIDE Pagsusulong ng PH Natural Gas Industry isinabatas ni PBBM

Pagsusulong ng PH Natural Gas Industry isinabatas ni PBBM

MANILA, Philippines – NILAGDAAN ni Pangulong Ferdinand ‘Marcos Jr. batas na magpo-promote sa development o pagsusulong ng Philippine Natural Gas Industry.

Tinintahan nito lamang Enero 8, ang Republic Act No. 12120 ay “promote natural gas as a safe, efficient, and cost-effective source of energy and an indispensable contributor to energy security by establishing the Philippine Downstream Natural Gas Industry for the benefit of all segments of the nation’s populations.”

Layon nito na i- develop ang natural gas bilang isang reliable fuel para sa power plants, na sa kalaunan ay makatutulong sa energy security ng bansa.

Ipo-promote din ng bagong batas ang conversion ng existing fossil-fuel operated equipment at pasilidad para sa natural gas use; sabihin pa na ang conversion ay ‘technically at financially feasible.’

Sa kabilang dako, ang Department of Energy (DoE) ang lead agency para idetermina ang pangangailangan para sa i-regulate ang development ng agregasyon sa bansa.

“Aggregation is defined as the procurement of indigenous natural gas, combining it with imported LNG, and selling the aggregated gas to gas buyers in the Philippines or abroad,” ayon sa DoE.

May pahintulot ang DoE na sumuri, mag-apruba at magpalabas ng permit na kailangan para sa lugar, konstruksyon, operasyon at maintenance, pagpapalawak, pagbabago, rehabilitasyon, decommissioning, at abandonment ng anumang PDNGI facility o activity.

Samantala, ang operasyon ng PDNGI facility ay dapat na isailalim sa isang evaluation process para sa posibleng ‘inclusion at entitlement’ ng insentibo sa ilalim ng Strategic Investment Priority Plan. RNT