Pasahero ng motor itinumba sa Cebu

MANILA, Philippines – Patay ang 21-anyos na pasahero ng isang motorsiklo matapos barilin sa Cebu City.

Sakay ng motorsiklo ang biktima kasama ang dalawa iba pa nang mangyari ang insidente sa isang traffic stop.

Nang huminto ang mga ito sa intersection, bumaba ng itim na minivan ang suspek at binaril ang biktima.

Agad naman na nakatakas ang suspek matapos ang pamamaril. Dinala naman sa ospital ang biktima ngunit idineklarang dead on arrival.

Sa imbestigasyon ng pulisya, galing sa bar ang grupo ng biktima kung saan sinundan sila ng suspek.

Posibleng illegal na droga ang motibo ng pamamaril.

Anang pulisya, mayroon na silang limang persons of interest. RNT/JGC