MANILA, Philippines – Bilang tugon sa naging kautusan ni Pangulong Ferdinand Marcos Jr., pinakilos ng Office of Civil Defense (OCD) ang mga kinauukulang ahensiya ng gobyerno na tulungan ang lokal na pamahalaan sa paghahanda para sa Super Typhoon Nando (international name: Ragasa).
Hinikayat din ang mga awtoridad na manatiling alerto at sundin ang opisyal na advisory.
“We are here to prepare for this Super Typhoon Nando. Under the instructions of our President, we are to be proactive and truly assist our local government units (LGUs),” ang sinabi ni Alejandro sa press briefing sa NDRRMC headquarters sa Camp Crame, Quezon City.
“The full force of the NDRRMC, led by Defense Secretary Gilberto Teodoro, is here. We are joined by our partners from the DSWD (Department of Social Welfare and Development), DOH (Department of Health), DepEd (Department of Education), and all 44 member agencies to provide assistance,” aniya pa rin.
Hinikayat naman ng Department of the Interior and Local Government (DILG) ang mga local chief executive na palakasin ang ‘precautionary measures’ habang inaasahan na ang Super Typhoon Nando at ang southwest monsoon ay magdadala ng malakas na pag-ulan, at landslides sa ilang bahagi ng bansa.
Nanawagan naman ito sa mga lokal na opisyal na “to act with urgency” sa pamamagitan ng pagpapatupad ng preemptive evacuations sa ‘high-risk communities, pagmomonitor sa mga ilog at libis, paga-alis sa mga bara sa daluyan ng tubig at tiyakin ang kaligtasan ng mga daanan malapit sa landslide-prone areas.
“With the combined effects of Nando and the recent rains from Tropical Depression Mirasol, some areas are now facing compounded hazards. We strongly urge LGUs to remain vigilant and proactive to protect lives and property,” ang sinabi ng DILG.
Sa kabilang dako, nagbabala naman ang Philippine Atmospheric, Geophysical and Astronomical Services Administration (Pagasa) na ang ‘urbanized at low-lying communities’ at maging ang mga lugar na malapit sa mga ilog at mountainous terrain, ay mataas sa panganib.
Nakapagtala naman ang Mines and Geosciences Bureau (MGB) ng mahigit sa 2,700 barangay sa buong bansa kabilang na ang mahigit sa 930 sa Metro Manila, na ‘susceptible’ sa mga baha at landslides hanggang Sept. 23.
Sa kabilang dako, binigyang diin naman ng DILG na bagama’t hindi kasama ang mga barangay sa official risk list, maaari pa ring maapektuhan ang mga ito partikular na iyong mga natukoy na malapit sa danger zones. (KRIS JOSE)
