MANILA, Philippines – Itinalaga ni Pangulong Ferdinand R. Marcos Jr. si Foreign Affairs Secretary Ma. Theresa Lazaro bilang Philippines’ Special Envoy of the Association of Southeast Asian Nations (ASEAN) Chair on Myanmar.
Ang anunsyo ay ginawa ng Pangulo sa paglulunsad ng Philippines’ ASEAN 2026 chairship sa Foro de Intramuros sa Lungsod ng Maynila.
“We are confident that she shall bring a constructive, principled, and inclusive approach to supporting the people of Myanmar, guided by her mandate and the Five-Point Consensus, as we work together towards peace, stability, and reconciliation,” ang sinabi ni Pangulong Marcos.
“Secretary Tess, you better get this done. I already made a promise to everyone,” dagdag na wika nito.
Binigyang diin ng Pangulo ang pangangailangan na mapagtagumpayan ang kapayapaan at katatagan sa Southeast Asia sa pamamagitan ng dayalogo, pagtalima sa international law, at pagpapahusay sa traditional at non-traditional security issues.
Nagpahayag naman ng kumpiyansa ang Pangulo na sa pamamagitan ng pagtutulungan at pagkakaunawaan, mas mapalalakas pa ng ASEAN ang papel nito bilang “a force for peace and progress in the global community.”
Sa ngayon, ang papel ni Lazaro ay bahagi ng ASEAN Five-Point Consensus, kabilang na ang agarang ‘cessation of violence, constructive dialogue sa lahat ng partido, pagtatalaga ng ASEAN Special Envoy, probisyon ng humanitarian, at engagement sa lahat ng mga kinauukulang partido.
Samantala, ang papel ng ASEAN Special Envoy role ay nakikita bilang diplomatic mechanism na magpapadali sa dayalogo at humanitarian assistance sa ilalim ng Five-Point Consensus. (KRIS JOSE)
