MANILA, Philippines – Itinalaga ni Pangulong Ferdinand Marcos Jr. si finance at investment veteran Victor Alfonso Limlingan bilang bagong pangulo at CEO ng Social Security System (SSS).
Pinalitan ni Limlingan si Robert Joseph Montes de Claro,na nauna nang itinalaga bilang Kalihim ng Department of Information and Communications Technology (DICT).
Sa isang news release, sinabi ng SSS na prayoridad ni Limlingan ang paghusayin at palawakin ang member loan programs, pagbutihin ang risk-adjusted returns ng investment portfolio at muling ilunsad ang Pension Booster Program.
Bago pa naging hepe ng SSS chief, si Limlingan ay nagsilbi bilang miyemrbo ng Social Security Commission (SSC) —policy-making governing body ng pension fund at kumakatawan sa grupo ng mga employer.
Itinalaga siya sa SSC noong November 19, 2024, at nanumpa sa kanyang tungkulin noong November 25, 2024.
Bilang SSS commissioner, sinabi ng pension fund na si Limlingan ang uupo bilang chairman ng Risk Management and Actuary Committee ng SSS at uupo rin sa Investment Committee, Contribution and Collection Committee, at Corporate Governance Committee.
Pangangasiwaan naman ng SSC ang SSS policy, magbibigay ng policy direction, mangangasiwa sa management actions at ipatutupad ang ang quasi-judicial functions sa mga kasong may kinalaman sa social security coverage, mga benepisyo, kontribusyon at kaparusahan sa ilalim ng Republic Act No. 11199 o Social Security Act of 2018.
Idagdag pa rito, bitbit ni Limlingan ang kanyang karanasan sa ‘finance, investments, risk management, entrepreneurship, at public service.’
Siya ang managing director ng Regina Capital Development Corp. at dating nagsilbi sa board ng state-owned Development Bank of the Philippines, kung saan siya ang chairman ng Risk Oversight Committee.
Nagsilbi rin si Limlingan bilang senior vice president sa Small Business Corp.
“Earlier in his career, Limlingan provided consultancy services to the National Economic and Development Authority and the Housing and Urban Development Coordinating Council, which is now known as the Department of Human Settlements and Urban Development,” ayon sa SSS.
Nakakuha si Limlingan ng Master of Business Administration mula sa Northwestern University’s Kellogg School of Management, isang Chartered Financial Analyst, at nagkamit ng bachelor’s degree sa interdisciplinary studies, majoring in history and humanities, mula Ateneo de Manila University. (KRIS JOSE)
