CAGAYAN, Philippines – Itinalaga na bagong Acting Regional Director si PBGen. Mariano Cureg Rodriguez ng Police Regional Office 02 o PR02 matapos palitan niya si PBGen. Antonio Marallag Jr. epektibo nitong Mayo 01, 2026 na isinagawa sa kampo Crame.
Si PBGen. Rodriguez ay kasapi ng PNPA Kaagapay Class of 1996 kapalit ni PBGen. Marallag Jr. ng Sandigan Class of 1994 kung saan ay itinalaga bilang hepe ng Directorate for Research and Development (DRD) sa Kampo Crame.
Si Rodriguez ay tubong Cabagan, Isabela na naging hepe ng ilang municipal station sa lalawigan, naging hepe ng Tuguegarao City Police Station, Provincial Director ng Isabela Police Provincial Office o IPPO, naging chief of staff ng PR02.
Nagsilbi rin siya sa iba’t-ibang mahahalagang posisyon tulad ng Deputy Director for Administration ng PRO 11 sa Davao, Deputy Director for Operations ng PRO 4A Calabarzon.
Kung kayat hindi bago sa pamumuno sa mataas na posisyon si PBGen. Rodriguez para pamunuan ang Valley Cops dahil sa kanyang dedikasyon bilang alagad ng batas.
Kasunod nito, agad nakipagpulong si PBGen. Rodriguez sa mga kasapi ng Media dito sa rehiyon kasabay ng command conferrence sa mga regional staff , provincial director at city director. (REY VELASCO)
