MANILA, Philippines – Nagpahayag ng suporta si Kalookan Bishop Pablo Virgilio Cardinal David kay Jay Tarriela, tagapagsalita ng Philippine Coast Guard (PCG) para sa West Philippine Sea (WPS), sa gitna ng sigalot nito sa Chinese Embassy in Manila.
Sa isang social media post nitong Huwebes, inihayag ni David ang pakikiisa sa pananaw ni Socrates Villegas, at sinabing hindi lamang pampulitika ang isyu sa WPS.
“This is not only a political issue — it is profoundly moral and pastoral, because the livelihood and safety of our people, especially our fisherfolk, are at stake,” ayon kay David.
“I also commend the 15 senators who signed a Senate resolution expressing our nation’s protest against China’s continuing acts of coercion and harassment in our waters,” dagdag pa niya.
Ang naturang resolusyon ng Senado, na inaprubahan noong Lunes, ay kumondena sa mga pahayag ng Chinese Embassy laban sa mga opisyal ng Pilipinas na pumuna sa mga aksyon ng China sa pinag-aagawang bahagi ng South China Sea.
Binanggit din ni David ang naunang post ni Villegas na nagsasabing, “I personally admire your fearless defense of our maritime zones, sovereign by international and domestic law. Many of our people depend on the sea’s bounty — God’s gifts now threatened by China’s encroachments.”
“Despite shaming from pro-China politicians, your stand safeguards God’s people and future Filipinos. We salute your principled statesmanship and fidelity to oath,” dagdag pa nito.
Sa kanyang tugon sa X, sinabi ni Tarriela na ang mensahe ni Villegas ay nagbigay sa kanya ng “real strength and motivation as I carry on my patriotic duty in standing for our rights in the West Philippine Sea.”
Nauna nang binatikos ng Chinese Embassy si Tarriela dahil umano sa pagpo-post ng mga larawang “attacking and smearing Chinese leaders.” Gayunman, nanindigan ang opisyal ng PCG sa kanyang posisyon laban sa mga aksyon ng China at sinabing wala siyang nakikitang dahilan upang humingi ng paumanhin. RNT
