MANILA, Philippines – Nagbigay ng babala ang opisina ni Pampanga 2nd district Rep. Gloria Macapagal-Arroyo tungkol sa isang mobile number na maling iniuugnay sa dating pangulo at kasalukuyang kongresista.
Ang numero, +63 947 844 5577, ay iniulat na ginagamit sa panlilinlang at fraudulent na gawain.
Ayon sa advisory noong Martes, “Please be advised that the cellphone number +63 947 844 5577 is NOT owned by, affiliated with, nor in any way connected to former President and Congresswoman Gloria Macapagal Arroyo.”
Idinagdag nila, “It has further come to our attention that this number has been sending text messages to various public officials, misrepresenting its identity and creating false impressions of legitimacy.”
Binigyang-diin ng kampo ni Macapagal-Arroyo na “Any communication, solicitation, or representation made using this number is unauthorized and fraudulent.”
Pinapayuhan ang publiko at mga opisyal na maging mapagbantay at huwag makipag-ugnayan o tumugon sa mga mensahe o tawag mula sa numerong ito.
Si Macapagal-Arroyo ay nagsilbing pangulo mula 2001 hanggang 2010 at dating House Speaker. RNT/MND
