MANILA, Philippines – Personal na binisita ni Interior Sec. Benhur Abalos ang Philippine General Hospital (PGH) upang makita ang kalagayan ng mga pasyente na naapektuhan sa sunog noong nakaraang linggo.
Kasabay nito ang inilabas na safety warnings partikular ngayong fire prevention month na kadalasang nangyayari angga sunog dahil na rin sa mainit na panahon o summer season.
Sa panayam ng mga mamahayag, maaring dahil sa faulty electrical wiring ang sanhi ng sunog at ito ay nagmula sa record section sa Audiovisual ngunit sinusuri pa aniya ito sa forensic para sa malaman pa.
“Nakita ko po kanina yung sunog saan nagmula ito”, pahayag pa ni Abalos.
Kasama ni Abalos ang opisyal Bureau of Fire Protection at opisyal ng ospital kabilang si Director Gerardo Legaspi, gayundin ang mga kinatawan ng Department of Health.
