MANILA, Philippines- Nagpatulong ang Department of Justice (DOJ) sa University of the Philippines (UP) para irebyu ang Criminal Code ng bansa.
Sinabi ni DOJ Undersecretary Raul T. Vasquez na nais nilang bumalangkas ng bagong penal code na sumasalamin sa kasalukuyang kondisyon at gumagalang sa karapatang pantao.
Lumagda sina Vasquez, chairman ng Criminal Code Committee (CCC) ng DOJ, at si UP Diliman Chancellor Edgardo Carlo L. Vistan ng memorandum of understanding (MOU) para sa pagrebisa ng criminal code.
“Ensure it is attuned and responsive to the needs of the modern times,” ani Vasquez.
Sa ilalim ng kasunduan, ang dalawang partido ay masusing makikipag-ugnayan at magsasagawa ng technical studies at legal research hinggil sa law reforms, capacity building at information sharing.
Tungkulin ng DOJ na maglaan ng pondo para maisagawa ang pagrebyu. Teresa Tavares
