MANILA, Philippines- Inanunsyo ng Philippine Embassy sa South Korea na walang umiiral na border restrictions, flight suspensions o transportation suspensions sa bansa matapos ang ilang oras na martial law declaration nitong linggo.
Batay sa abiso nitong Huwebes, patuloy ang operasyon ng airports, seaports, trains o iba pang uri ng public transport.
“Filipinos are respectfully advised to observe the usual caution when traveling highly particularly in areas where public gatherings may occur,” saad sa abiso.
Nauna nang pinayuhan ng Department of Foreign Affairs ang mga Pilipino sa South Korea na manatiling kalmado sa gitna ng political tensions sa bansa.
Binanggit ni DFA Undersecretary Eddie de Vega na walang alert levels na inisyu para sa South Korea at hindi delikado sa bansa sa kasalukuyan.
Kasunod ito ng pagdeklara ng South Korean President Yoon Suk Yeol ng martial law nitong Martes ng gabi.
Ani Yoon, kinakailangang wakasan ang “shameless pro-North Korean anti-state forces.”
Binawi ang deklarasyon matapos ang unanimous 190-0 parliamentary vote na nagresulta sa pagkalos niya sa kautusan. RNT/SA
