MANILA, Philippines – Nagpaalala ang Philippine Embassy sa Singapore na bawal ang pagtanggap ng karagdagang trabaho o “moonlighting” bukod sa pangunahing trabaho, dahil ito ay labag sa batas ng Singapore.
“The Philippine Embassy reminds anew Filipinos working and living in Singapore, including Filipinos who intend to work in Singapore, that engaging with any remunerated work outside their primary employment is illegal and is subject to penalties,” ayon sa babala ng embahada.
“Moonlighting in Singapore is an offense,” dagdag pa.
Babala ng embahada, ang mga lalabag ay maaaring multahan ng hanggang SGD 20,000, makulong nang hanggang dalawang taon, mawalan ng work pass, at ipagbawal na muling makapagtrabaho sa Singapore. RNT
