MANILA, Philippines- Naghain ang Pilipinas ng panibagong diplomatic protest laban sa China matapos paliparin ang ilang air assets nito malapit sa Philippine aircraft na pinalilipad sa Scarborough Shoal, ayon kay Foreign Affairs Secretary Enrique Manalo nitong Sabado, ilang araw matapos ang insidente.
“I think we filed last week on the Scarborough. I saw the note verbale last week,” pahayag ni Manalo sa sidelines ng isang event sa Taguig.
Subalit, hindi sinabi ng Philippine foreign affairs chief kung ipinatawag ng Manila si Chinese Ambassador to the Philippines Huang Xilian dahil sa insidente, sinabing wala siya sa bansa nang maganap ang insidente.
Nitong linggo, kinondena ng Presidential Office for Maritime Concerns ang “unprofessional and reckless flight maneuvers” ng Harbin Z-9 helicopter ng China na “hovered as close as three meters above a BFAR Cessna 208B Grand Caravan EX aircraft conducting a routine maritime domain awareness flight over Bajo de Masinloc on February 18.”
Ang aksyon ng Beijing “demonstrated a lack of regard for internationally-accepted norms on good airmanship and flight safety,” nakasaad sa pahayag.
Ang aerial shadowing ang pinakabagong agresyon ng China sa West Philippines Sea, isang lugar na saklaw ng exclusive economic zone ng Pilipinas. RNT/SA
