MANILA, Philippines – Nagpasya ang Department of Justice (DOJ) na i-reset sa Biyernes, Nob. 14, ang nakatakdang preliminary investigation ngayong Lunes, Nob. 10, sa unang limang kaso na kinasasangkutan ng mga “anomalous” na flood control projects sa Bulacan.
“We are looking at Friday provided subpoenas are all served,” ayon kay Prosecutor General Richard Anthony D. Fadullon.
Ang desisyon na i-reset ang imbestigasyon ay ginawa matapos ipag-utos ng Office of the President ang pagsususpinde ng trabaho at klase ng gobyerno sa National Capital Region (NCR) at iba pang rehiyon ngayong Lunes dahil sa bagyong Uwan.
Ang mga respondent na pinangalanan sa limang kaso ay kinabibilangan ng mga dating at kasalukuyang opisyal at tauhan ng Department of Public Works and Highways (DPWH), na sina dating district engineer Henry C. Alcantara, assistant district engineers Brice Ericson D. Hernandez at Jaypee D. Mendoza, project engineer Arjay S. Domasig, project engineer Nino Lawrence V. Morales, finance section chief Juanito C. Simbulane D. Mendoza, finance section chief Juanito C. Simbulan D. Pineda.
Kasama rin bilang respondent si Sally No. Santos, kinatawan ng Syms Construction.
Itinakda para sa preliminary investigation ang mga kasong malversation sa pamamagitan ng falsification of public documents sa ilalim ng Article 217 in relation to Article 171 Paragraph 4 of the Revised Penal Code (RPC); pagsisinungaling sa ilalim ng Artikulo 183 ng RPC; at graft sa ilalim ng Seksyon 3(e) ng Republic Act No. 3019, ang Anti-Graft and Corrupt Practices Act. RNT/MND
