MANILA, Philippines – Bumagsak sa bagong record low ang piso nitong Huwebes sa pagsasara ng merkado, dahil sa tumitinding political uncertainty sa bansa at pangamba sa posibleng matagal na sigalot sa Middle East.
Ayon sa Bankers Association of the Philippines, humina ang piso ng 26 sentimo at nagsara sa ₱61.64 kontra dolyar. Mas mababa ito sa dating all-time closing low na ₱61.567 noong April 29, 2026.
Sinabi ng mga trader na naapektuhan ang piso ng mas malakas na US dollar at ng mga patuloy na isyung pampulitika sa loob ng bansa, na lalo pang nagpapabigat sa kondisyon ng merkado at currency. RNT/MND
