MANILA, Philippines- Hinikayat ni Philippine National Police (PNP) chief Police General Rommel Marbil ang mga mambabatas na amyendahan ang Republic Act 6975 o ang batas na nagtatatag sa PNP, upang tugunan ang aniya’y “organizational flaws.”
Sinabi ni Marbil said nitong Linggo na kailangang magtransisyon ng PNP patungo sa “flatter, more streamlined structure,” para sa mas mabilis na pagdedesisyon, partikular tuwing mayroong emergency, pinahusay na accountability, at pinaigting na komunikmasyon sa lahat ng ranggo.
“The current hierarchical system often slows down decision-making, particularly in critical situations where prompt responses are vital,” pahayag ni Marbil.
Aniya, mababawasan din ng desentralisasyon ng PNP ang pagkaantala at mapahuhusay ang “operational efficiency” dahil binibigyang-daan nito na makapagdesisyon sa lokal na lebel ang opisyal na mas mabababa ang ranggo.
“This kind of structure encourages leadership and initiative at all levels, inspiring creativity and innovation in tackling the country’s security challenges,” giit ni Marbil.
“The world is changing fast, and so should the PNP,” dagdag ng opisyal.
Noong Hulyo, vineto ni Pangulong Ferdinand Marcos Jr. ang panukalang nagsusulong ng PNP organizational reforms ”because the provisions run counter to administrative policy and efficiency.” RNT/SA
