MANILA, Philippines – Naglatag ng full security measures ang Philippine National Police (PNP) para sa June 28 “White Ribbon Movement” rally sa Edsa People Power Monument.
Ang nationwide rally na inorganisa ng religious at civil society groups, ay pangungunahan ng Inter-Religious Leaders Council for National Transformation.
Nananawagan ito ng electoral reforms, pinabuting government accountability, at hakbang laban sa korapsyon at political dynasties.
Sinabi ni Bishop Colin Bagaforo na inaasahang aabot sa 10,000 ang lalahok sa rally.
“Our priority is to ensure that the White Ribbon Movement march at the Edsa People Power Monument remains completely peaceful and prevents any form of lawlessness,” sinabi ni PNP chief Gen. Jose Melencio Nartatez Jr. nitong Linggo, Hunyo 21.
Inatasan na ang National Capital Region Police Office at iba pang concerned regional units na suriing mabuti ang banta sa seguridad sa paligid ng Edsa People Power Monument, kabilang ang mga kalapit na kritikal na imprastruktura.
Ani Nartatez, gagawin ang hakbang upang mabawasan ang pagkaabala sa mga commuter at mga kalapit na establisyimento.
“While we respect the public’s right to peaceful assembly and freedom of expression, the Philippine National Police will remain completely apolitical and focused solely on maintaining public order and safety,” dagdag pa niya.
Ani Bishop Bagaforo, ang rally ay pagpapatuloy ng Trillion Peso March protests noong nakaraang taon. RNT/JGC
