MANILA, Philippines – Tumangging magkomento ang Philippine National Police (PNP) sa umano’y paghiling ni Senador Ronald “Bato” Dela Rosa na manatili sa Camp Crame kasabay ng arrest warrant mula sa International Criminal Court (ICC).
Nauna nang sinabi ni Senate Sergeant-at-Arms Mao Aplasca na tinanong ni Dela Rosa kay PNP chief Gen. Jose Melencio Nartatez Jr. kung maaari itong manatili sa White House ng headquarters ng PNP kung saan tumutuloy ang matataas na opisyal ng pulisya.
Nang tanungin patungkol dito, sinabi ni PNP spokesperson Brig. Gen. Randulf Tuaño na, “For now, we have no comment on the matter mentioned.”
Ang pagtatanong na ito ni Dela Rosa ay nangyari umano sa pakikipag-usap ng senador kay Nartatez at Interior Secretary Jonvic Remulla matapos ang shooting incident sa Senado, ayon kay Aplasca. RNT/JGC
